miércoles, 21 de mayo de 2025
O Teatro Colón acollerá un ano máis o Festival Mundial de Ilusionismo Galicia Ilusiona. Este espectáculo celebrarase os días 16 e 17 de outubro, con catro funcións no Teatro Colón. As entradas xa están á venda.
"Desde o Goberno de Inés Rey seguimos enchendo de variedade e espectáculos de calidade os nosos recintos municipais, apostando por propostas que teñen unha gran resposta da cidadanía como esta", indicou Gonzalo Castro, concelleiro de Cultura e Turismo. Galicia Ilusiona está organizado e producido por Peedro Bugarín e Dani Polo e conta co apoio do Concello da Coruña.
Unha selección dalgúns dos mellores e máis premiados ilusionistas do planeta reuniranse en outubro sobre un mesmo escenario. A gala estará conducida polo Mago Murphy (Madrid) e contará cos multipremiados números de David Burlet (Francia), Nacho Samena (Galicia), Seimei (Corea) e a incrible posta en escena da Compañía Mag Edgard (Barcelona). As funcións do día 16 serán ás 18.00 e 20.30 horas e o día 17, ás 18.30 e 21.00 horas.
As entradas poderanse adquirir a través de Ataquilla e no despacho de billetes da praza de Ourense. Os prezos son: 19 euros na platea e palco e 16 euros na tribuna principal. Hai desconto do 20 para persoas posuidoras do Carné Xove, maiores de 65 anos e desempregados, e un desconto do 25% para familias numerosas.
