‘Camiño da reciclaxe’ recupera 146 toneladas de papel nos albergues galegos
Español Valencià Català Gallego Euskera English
Noticias de deportes, sociedad, economía, cultura, ciencia y tecnología en <strong>A Coruña</strong> A Coruña

‘Camiño da reciclaxe’ recupera 146 toneladas de papel nos albergues galegos

Participaron na campaña un total de 216 establecementos

‘Camiño da reciclaxe’ recupera 146 toneladas de papel nos albergues galegos martes, 27 de noviembre de 2018

Os albergues do Camiño de Santiago reciclaron entre os meses de xuño e outubro máis de 146 toneladas de envases lixeiros e de papel-cartón no marco da iniciativa Camiño da reciclaxe.

O obxectivo principal desta campaña, que por terceiro ano consecutivo impulsa a Xunta en colaboración con Ecoembes, é fomentar a reciclaxe nos albergues do Camiño de Santiago e concienciar aos peregrinos procedentes de todo o mundo que cada ano realizan esta ruta sobre a importancia da recollida selectiva de envases lixeiros, de papel e de cartón. Así mesmo, a iniciativa busca evitar a aparición e o incremento ao longo do camiño da chamada basuraleza (desperdicios e lixo que se deposita en espazos naturais).
 
Neste sentido, a conselleira amosouse moi satisfeita co balance de Camiño da reciclaxe en 2018. Así, explicou que nos cinco meses que durou a campaña, coincidindo co período de maior afluencia de peregrinos nesta ruta, recolléronse en total algo máis de 146 toneladas de residuos: 40 de envases e 106 de papel-cartón. Estas cifras supoñen un incremento de case o 50% con respecto ás da campaña anterior, cando se recolleran en Galicia algo máis de 100 toneladas neste mesmo período.
 
Neste balance influíu, sobre todo, o incremento rexistrado no número de albergues participantes: 216 establecementos galegos localizados ao longo do Camiño Francés, do Camiño do Norte e do Camiño Portugués sumáronse á iniciativa en 2018, fronte aos 148 que participaran na edición anterior. Cada un destes albergues dispuxo de 2 ou de 4 puntos de reciclaxe en función do número de prazas ofertadas, de modo que se repartiron en total 1.000 contedores azuis (papel-cartón) e amarelos (envases lixeiros).
 
Así mesmo, a conselleira tamén agradeceu a colaboración na campaña dos hospitaleiros que atenden estes establecementos e actúan á vez como voceiros e promotores da iniciativa entre os peregrinos que pasan por alí. Grazas a eles, tamén se repartiron 40.000 bolsas reutilizables para axudar aos camiñantes a almacenar e transportar os residuos que xeren en cada etapa, así como diverso material informativo e merchandising para fomentar a reciclaxe e uns hábitos de consumo máis sustentables.
 
O obxectivo, en todo caso, é que a cifra de albergues participantes en Camiño da reciclaxe siga crecendo xa que, tal e como lembrou Ángeles Vázquez, no ano 2021 o Xacobeo situará o foco de atención do turismo sobre Galicia e concretamente, sobre as diferentes rutas do Camiño de Santiago.
 
 

Colaboran:Xunta de GaliciaConsorcio as MariñasAyuntamiento de A Coruña
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies