'CORUÑA 30', un plan de sinalización para reducir o número de accidentes
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>A Coruña</strong> A Coruña

'CORUÑA 30', un plan de sinalización para reducir o número de accidentes

'CORUÑA 30', un plan de sinalización para reducir o número de accidentes lunes, 14 de septiembre de 2020

Limitarase a velocidade a 30 quilómetros por hora en todas as vías, agás aquelas que teñen máis dun carril

A concellería de Mobilidade está acometendo estes días o plan de sinalización de "Coruña 30" e nas vindeiras semanas ten previsto acoutar os principais eixes como son a entrada por Eirís-Avenida de Monelos e as avenidas de Oza e Fisterra.

A entrada por Eirís-Avenida de Monelos e as avenidas de Oza e Fisterra funcionarán como portas a unha cidade, que, segundo a alcaldesa, Inés Rey, pretende con esta redución de velocidade que a veciñanza sexa protagonista e que diminúa o número de accidentes de gravidade e os danos medioambientais.
Deste xeito, limitarase a velocidade a 30 quilómetros por hora en todas as vías, agás aquelas que teñen máis dun carril como son as dúas roldas de Nelle e Outeiro, a avenida Alfonso Molina ata o cruzamento con Juana de Vega e mais o Paseo Marítimo e Juan Flórez, aínda que neste caso existe xa un carril específico onde se reduce de 50 a 30 quilómetros por hora a velocidade.
A Xunta de Goberno aprobou en maio a declaración da Coruña como Cidade 30, que recolle tamén que nas rúas con plataforma única se poderá circular como máximo a dez quilómetros por hora, menos o transporte público ao que lle estará permitido chegar aos 20 quilómetros por hora.
Con este novo modelo de mobilidade en que se leva traballando máis dun ano, o concello tratará de cambiar os paradigmas da circulación das últimas décadas para facer que os vehículos brandos, o transporte público e as peoas e peóns primen fronte aos coches.
O plan, que se desenvolverá até 2023, moldeará a cidade para as persoas nunha transformación amable da que xa se poden ver exemplos na Travesía de Rianxo, Ramón Cabanillas, Puga y Parga, contornas escolares, Juan Flórez e a avenida de Gran Canaria, así como a rolda peonil que conectará a Agra co parque de San Diego, a humanización da zona dos Cantóns e Santo André ou a ampliación do paseo marítimo entre o castelo de San Antón e Durmideiras.

Colaboran:Xunta de GaliciaConsorcio as MariñasAyuntamiento de A Coruña
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies