Os pellets chegan a costa da Coruña
Español Valencià Català Gallego Euskera English
Noticias de actualidad y última hora. Noticias locales y regionales en <strong>A Coruña</strong> A Coruña

Os pellets chegan a costa da Coruña

O Concello está a acometer as labores de limpeza con medios propios

Os pellets chegan a costa da Coruña lunes, 8 de enero de 2024

O Goberno municipal esíxelle á Xunta que dispoña os medios precisos para facer fronte á marea de pellets que desde a semana pasada está a chegar aos areais coruñeses.

Os servizos municipais detectaron a presenza de pellets nas praias do Orzán, As Lapas, Bens e O Portiño. Desde o pasado venres o Concello está a acometer as labores de limpeza con medios propios.

O Concello reforzou tamén a contenerización nos areais para facilitar a retirada das pezas de plástico, na que tamén están a axudar grupos de voluntarios. "A Xunta non pode poñerse de perfil nun asunto de ámbito autonómico que é da súa competencia, a día de hoxe non recibimos nin unha chamada nin un ofrecemento de información ou de medios para facerlle fronte a este problema", indicou a alcaldesa, Inés Rey.

O executivo local lamenta que a Xunta non estea a coordinar actuación algunha para atallar o vertido. "Non se pode pretender que sexan os concellos os que fagan fronte a un problema como este, que supera con moito o ámbito municipal", indicou Inés Rey.

O Concello constituíu xa un comité de seguimento da situación, organismo encabezado pola concelleira de Medio Ambiente, Noemí Díaz, que onte visitou a praia das Lapas onde estaban a traballar operarios municipais. A concelleira agradeceu tamén o traballo dos voluntarios, "mais a Xunta non pode pretender que sexan os concellos e a sociedade civil organizada pola súa conta os que atalles os problemas medioambientais", indicou Díaz.

Colaboran:Xunta de GaliciaConsorcio as MariñasAyuntamiento de A Coruña
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies