'Riazor 75: Recordos dun océano de soños'
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>A Coruña</strong> A Coruña

'Riazor 75: Recordos dun océano de soños'

A exposición no Quiosco Alfonso percorre a historia do campo e todos os triunfos e curiosidades que se deron nel desde 1.944

'Riazor 75: Recordos dun océano de soños' viernes, 17 de julio de 2020

A mostra "Riazor 75: Recordos dun océano de soños", estará no Quiosco Alfonso, até o 2 de agosto e nela faise un percorrido pola historia do estadio con todas as curiosidades e fitos históricos que concentrou ao longo destes 75 anos.

A rexedora da Coruña, Inés Rey, sinalou que Riazor é un dos emblemas da cidade coa Torre de Maratón nun dos seus fondos: "Somos moi de torres, temos a de Hércules e a de Maratón" e destacou que a cita permitirá ás e aos coruñeses coñecer as súas orixes con aquel primeiro partido en 1944, en que o Deportivo se enfrentou ao Valencia, así como todo o que veu despois e que fixo que hoxe en día, "o estadio forme parte da nosa identidade". Rey lembrou que sobre o seu céspede se deron moitos trunfos e alegrías para a cidade e está segura de que "voltaremos porque somos un equipo de primeira".

A exposición, que organizan a Fundación R.C. Deportivo e o concello, parte de 75 partidos protagonizados polo conxunto branquiazul no recinto municipal para tocar tamén outro tipo de competicións que se organizaron como os partidos de seleccións, os torneos de verán ou a Copa do Mundo do 1982. Son preto de 90 obxectos, entre camisetas, trofeos, entradas ou bandeirolas, así como 70 fotografías e 6 ilustracións de gran formato.

Ademais, instaláronse varias pantallas con vídeos de choques e eventos importantes que tiveron lugar en Riazor, xunto a planos xerais ou aéreos e planos das diferentes obras que se acometeron. Unha delas reproducirá unha animación 3D inédita en que se poderá observar a evolución do estadio desde 1939 até a actualidade.

Colaboran:Xunta de GaliciaConsorcio as MariñasAyuntamiento de A Coruña
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies